75. Her birisi semiz ü kuvvetlü
İç ü tışı yağlu vü etlü
76. Niçün oldı bulara enzânî
Bize bildür şu tâc-ı sultânî
(…)
(Bilge eşek, onu dinledikten sonra sorusunu cevaplar.)
83. Ki öküzü yaradıcak Hallâk
Sebeb-i rızk kıldı ol Rezzâk
84. Dün ü gün arpa buğday işlerler
Anı otlayup anı dişlerler
85. Çün bular oldu ol azîze sebep
Virdi ol izzeti bulara Çalap
86. Tâc-ı devlet konuldı başlarına
Et ü yağ toldı iç ü tışlarına
87. Bizüm ulu işimüz odundur
Od uran içümüze o dûndur
(…)
(Eşek de öküzler gibi ekin yemeye karar verir ve bir tarlaya girer. Karnını doyurduktan sonra ağnayarak ekinleri mahveder. Bunu gören ekin sahibi çıkagelir.)
105. Ağaç elinde azm-i râh itdi
Tarlasını göricek âh itdi
106. Dâneden gördi yiri pâk olmış
Gök ekinliği kara hâk olmış
107. Yüreği sovumadı söğmek ile
Rahat olmadı gönli eşeği dögmek ile
108. Bıçağın çekdi kodı ayruğını
Kesdi kulağını vü kuyruğını
109. Kaçar eşek acıyarak cânı
Dökülüp yaşı yerine kanı
110. Uğrayu geldi pîr eşek nâgâh
Sordı hâlini kıldı derd ile âh
111. Derd ile inleyü didi ey pîr
Har-ı rûbâh gibi pür-tezvîr
112. Batıl isteyü hakdan ayrıldum
Boynuz umdum kulakdan ayrıldum
(…)
Fe i lâ tün / me fâ i lün / fe i lün
Şeyhî, Harnâme
haz.: Mehmet Özdemir
